మహాలక్మీ - అష్టకం

మహాలక్మీ - అష్టకం  

నమస్తేస్తు మహామాయే - శ్రీ పీఠే సురపూజితే

శంఖచక్రగదాహస్తే - మహాలక్ష్మీ ర్నమోస్తుతే 

నమస్తే గరుడారూఢే - కోలాసురభయంకరి

సర్వపాపహరే దేవి - మహాలక్ష్మీ ర్నమోస్తుతే 

సర్వజ్ఞే సర్వవరదే - సర్వదుష్టభయంకరి

సర్వదుఃఖహరే దేవి - మహాలక్ష్మీర్నమోస్తుతే !

సిద్ధిబుద్ధిప్రదే దేవి - భుక్తిముక్తిప్రదాయిని

మంత్రమూర్తే సదా దేవి - మహాలక్ష్మీర్నమోస్తుతే !

ఆద్యంతరహితే దేవి - ఆదిశక్తి మహేశ్వరి

యోగజే యోగసంభూతే - మహాలక్ష్మీర్నమోస్తుతే ! 

స్థూలసూక్ష్మ మహారౌద్రే - మహాశక్తే మహోదరే

మహాపాపహరే దేవి - మహాలక్ష్మీర్నమోస్తుతే ! 

పద్మాసనస్థితే దేవి - పరబ్రహ్మస్వరూపిణి

పరమేశి జగన్మాతర్‌ - మహాలక్ష్మీర్నమోస్తుతే !

శ్వేతాంబరధరే దేవి - నానాలంకారభూషితే

జగత్థ్సితే జగన్మాతర్‌ - మహాలక్ష్మీర్నమోస్తుతే !

ఫలశృతి -

మహాలక్ష్మ్యష్టకం స్తోత్రం - యః పఠే ద్భక్తిమా న్నరః

సర్వసిద్ధి మవాప్నోతి - రాజ్యం ప్రాప్నోతి సర్వదా !

ఏకకాలే పఠే న్నిత్యం - మహాపాపవినాశనమ్‌

ద్వికాలం యః పఠే న్నిత్యం - ధనధాన్యసమన్వితః !

త్రికాలం యః పఠే న్నిత్యం - మహాశత్రువినాశనం

మహాలక్ష్మీ ర్భవే న్నిత్యం - ప్రసన్నా వరదా శుభా

ఇతి ఇంద్రకృత శ్రీ మహాలక్ష్మష్టకం సంపూర్ణం !