బచ్చన్‌ పాండేగా అక్షయ్‌ కుమార్‌

 జనవరి 26న విడుదలకు రంగం సిద్ధం 

హైదరాబాద్, జనవరి 24 (ఉదయ కిరణాలు)

ప్రతి ఏడాది నాలుగైదు సినిమాలతో ప్రేక్షకులని పలకరించే అక్షయ్‌ కుమార్‌ గత ఏడాది కరోనా వలన అరించలేకపోయాడు. ఈ ఏడాది మాత్రం వరుస సినిమాతో ప్రేక్షకులని ఫుల్‌ ఎంటర్‌టైన్‌ చేసేందుకు సిద్ధమయ్యాడు. ప్రస్తుతం అతని చేతిలో సూర్య వంశీ, బెల్‌ బాటమ్‌, బచ్చన్‌ పాండే, అతరంగీ రే,  ’పృథ్వీరాజ్‌ చౌహాన్‌’ జీవిత చరిత్రపై ’పృథ్వీరాజ్‌’ , రామ్‌ సేతు అనే సినిమాలు ఉన్నాయి. తాజాగా బచ్చన్‌ పాండే చిత్రానికి సంబంధించి పోస్టర్‌ రిలీజ్‌ చేస్తూ ఈ మూవీ రిలీజ్‌ డేట్‌ ప్రకటించాడు. బచ్చన్‌ పాండే చిత్రం ఫర్హాద్‌ సవ్జిూ దర్శకత్వంలో తెరకెక్కగా, సాజిద్‌ నడియావాలా నిర్మించారు. ఈ చిత్రంలో అక్షయ్‌ సరసన కృతి సనన్‌, జాక్వెలిన్‌ ఫెర్నాండెజ్‌ హీరోయిన్స్‌గా నటించారు . మరో ముఖ్యపాత్రలో అర్షద్‌ వార్సీ నటిస్తున్నాడు. రిపబ్లిక్‌ డే సందర్భంగా బచ్చన్‌ పాండే చిత్రాన్ని జనవరి 26, 2022న విడుదల చేయనున్నట్టు ప్రకటించారు. అయితే తాజాగా విడుద చేసిన పోస్టర్‌ లో అక్షయ్‌ కుమార్‌ పిల్లి కన్నుతో భయంకరంగా కనిపిస్తున్నాడు.